Geburtstag uf em Ponyrüggä

Wend sie en unvergässlichi Party planä?

Denn sind sie hiä genau richtig.

 

D Chind chend bi üs je nach Wunsch Baschtlä, Spielä, Ässä und Trinkä und au no uf de Pony's under persöndlicher Uifsicht Riitä.

Uf Wunsch organisierid miär de ganzi Namittag, so das sie sich um nüd meh müend Gedankä machä und nur de Tag chend gniessä mit ihrem Geburtstagschind.


Es tolls Programm warted uf d Chind. Agfangä mit es paar Grundreglä im Umgang mit de Pony's, derfid d Chind aschliessend ihri Pony's us em Stall holä und under Aleitig putzä und für de Ritt parad machä. Wenn denn alles parad isch riitemer i naheglägnigi Wald.

 

Party 1

Miär stellid d Pony's und s Mami Organisierd

 

*Miär gand mit de Ponys en Rundi
i Wald go riitä.

Für das aschliessendi Programm, wo s Mami organisiert, isch es Riiterstübli oder dussä Tisch und Stüehl zur verfüegig.

Party 2

Entspanntä Ponyspass

 

 

 

* Miär gand mit de Ponys en Rundi  i Wald go riitä.

* Im Wald machemer pause und    machid Stäckebrot.

* Uf em Hof wird denn no Chuechä gässe, Gschänkli uispackt, Spieli gmacht und evt no baschtled.

Party 3

Schatzsuechi

 

 

 

* Miär gand mit de Pony's en Schatzsuechi go machä i Wald

*Uf em Hof wird denn no Chuechä oder Stäckebrot gässe, Gschänkli uispackt, Spieli gmacht und evt. no baschtled


*De Zytlichi Ablauf vo dä Angebot isch immer glich ca vom zwei bis am vieri

*Davo wärdid eppä 60 min. uf em Pony verbracht

*D Priise richtid sich je nach Angebot und Uifwand

*Chind under drü bitte mit Begleitperson

*Gärn stell ich ihnä eis uf ihri Bedürfniss abgstimmti Angebot zämä und erarbeite so die afalendä *Koschtä, damit ich ihnä es entsprächends Angebot cha abietä.